| 今天是我生日的大日子呀！
但是因為要request day off 返學的關係...
所以無request今天呀！
亦都成就我成世女第一次係工作中渡過既生日呀！
不過都幾開心呀！
每一個同事見到我，都會同我講生日快樂... 真係好開心呀！
真係要好多謝每一個同我講過"生日快樂"既同事們...
謝謝你們呀！ 特別要多謝Winnie呀！ 今日off都攞生日蛋糕番黎！
你對我真係太好啦！
昨晚過左12點，就去左睡覺啦！無睇到msg 啦！
剛才開既時候，我竟然見到超過30個人留言比我
同我講"生日快樂"！ 真係超級開心呀......
連一些好耐無見既朋友都有留言比我，真係好開心呀.... 開心死我啦！
hahahahahahahaha
仲有，用sms send msg比我既朋友仔...
總之就係多謝你們啦！
我好相信，今年會係我人生中最開心最難忘的生日之一！
講到最後，點都講下自己的生日願望啦！
最重要都係身體健康，減肥成功！
其次係開開心心！
|
| |
| 話咁快就11月啦！
真係好開心呀！
不過....
我又老左一年啦！
唔知道今年我會點過呢?
個日要返工呀！ 係第一年生日既時候，要返工工呀！
希望個日過得開開心心啦！ 因為係dark day既關係，
所以其實都唔會辛苦lor~
唔知道我今年會收到咩禮物呢?
好期待呀！
公司隻大pooh pooh，我真係好想要，
但係又唔捨得買...好貴呀！
惟有下次去既時候，再同佢影相先.....
|
| |
| 真係好耐都無去唱K啦！
對上次係幾耐之前都唔記得左啦！
不過今天都玩得好開心呀！
有我, Winnie, Fung 呀！
雖然只係3條友，但是都玩得幾開心呀！
因為3個人係咁選合唱歌，仲要太多都係比較流行既K歌呀！
當中有唔少都係要嗌既歌，都嗌得幾開心呀！
不過真係知道一樣野，勉強無幸福是岩咖！
我今天去試唱泳兒同王苑之的歌，
真係無辦法唱到呀！ 超高音同唱唔出聲呀！
仲要走埋音呀！ 唉....
真係証明左你鐘意首歌，唔化表你就可以唱到lor~~
我唱D中高音就可以lor~~但是都係唱得唔好！！
Fung 同 Winnie2個都唱得好好聽呀！
尤其是合唱既歌，特別好聽咖！
我好似係度睇live show一樣呀~~ haha~~~
希望下次再一次瘋狂去嗌....
今次唱K，令我想番起，上年第一次同winnie去唱K既時候！
阿邊個都係度咖！ 雖然佢唱得唔多，亦都唔係好聽！
但是佢就真係感動到我咖！ 講真咖！
我明白，都差不多成年啦！
人地依家非常之好，我亦唔會去做D咩野...
所以我會想既係，改變自己的專注力！
我既專長係手工藝，亦都好有可能發展成事業！
我都好相信，以我既性格，
我既生命裡佔最大部分既一定唔會係愛情！
現階段我會想事業同家庭各佔5分之2，而愛情只會佔5分之1
將來會否改變，真係唔知道，但是起碼依家我既想法係咁....
|
| |
| 剛剛做完一個心理測驗....
真係好準呀！
講既係你接受孤獨的程度，我都知一定會高咖啦！
無想過會咁高啫！ 成95%！
不過佢所講既野又岩wor~~
我確係一個咁既人...
從來都唔會主動去親近同接觸其他人！
永遠都覺得人地既事比自己的事重要！
但是當自己有事需要其他人幫手的時候，
永遠都唔想開口，亦都唔知點開口！
所以只會默默承受，為自己解決所有事！
可能是受媽媽影響卦！ 媽媽永遠都會話，
無咩必要唔好麻煩其他人啦！ 自己搞得掂就自己搞掂啦！
所以我依家會覺得開聲叫人幫手係唔好意思既事黎咖！
因為咁樣咪煩到人地lor~~
但是當人地需要你幫手的時候，無論點樣，都會出盡力去幫！
可能出黎的結果唔滿意，但是永遠都唔會有怨言...
只會覺得點解自己唔可以再做好D！點解唔想得仔細D呢? 雖然成日都覺得身邊無一個知心好友，
我只係一個佢哋需要幫手既時候而想起既small potatoes
用完之後，就可以放係一邊就算的普通人！
不過無所謂啦！ 因為自己唔識同其他人相處，
人地係有需要既時候想起你，已經好好啦！
証明你係有存在價值咖！ 如果人地連幫都唔駛你既時候，
咁我好清楚知道.... 我係人地心目中係無價值可言咖！
咁我會知道我應該點樣做...
所以話我係可以完全接受孤獨咖！ |
| |
| 經過前一天的努力，
我終於將功課做好啦！
今次份功課真的好難啦！
不過已經交左啦！ 所以頓時輕鬆了！
由於於今日放假的關係，所以我可以親身去交功課啦！
但是交功課之前，我去左荃灣為了的串珠作了個示範！
因為那個地方比較近西鐵站，所以我搭到美孚轉西鐵！
串珠之後就再搭西鐵去南昌轉東涌線去香港站，
再行去中環個邊搭港島線去金鐘交功課！
約左人係銅鑼灣見面，就再去左個邊啦！
之後返家的時候，我又搭地鐵，
今次從柴灣方向係北角轉車！
再係油塘轉線返彩虹！
總括來說，我搭左5條地鐵線！
今日放假的生活就用左係地鐵上！
所以話地鐵真係我們生命中的一部分啦！
|
| |
